Хадамоти назорати давлатӣ дар соҳаи меҳнат, муҳоҷират ва шуғли аҳолӣ дар таърихи рӯзи 13-уми ноябри соли 2025 семинари машваратӣ ҷиҳати иҷрои Нақша-чорабинҳои Созишномаи генералии байни Ҳукумати Ҷумҳурии Тоҷикистон, Федератсияи иттифоқҳои касабаи мустаъқили Тоқикистон ва Иттиҳодияи корфармоёни Ҷумҳурии Тоҷикистон барои солҳои 2024-2026, ки аз тарафи муовини Сарвазири Ҷумҳурии Тоҷикистон 13 майи соли 2024 тасдиқ шудааст, оид ба моҳияти риоя ва татбиқи қонунгузории соҳаи меҳнат, муҳоҷират ва шуғли аҳолии Ҷумҳурии Тоҷикистон аз ҷумла машваратҳо, тавсияҳо ва расонидани ёрии амалӣ дар самти риоя ва татбиқи қонунгузории Ҷумҳурии Тоҷикистон дар бораи меҳнат, қоидаҳои ҳифзи меҳнат, стандартҳо ва меъёрҳои бехатарии меҳнат, гузаронидани экспертизаи шароити меҳна, муҳоҷират ва шуғли аҳолӣ баргузор намуд.
Хадамоти назорати давлатӣ дар соҳаи меҳнат, муҳоҷират ва шуғли аҳолӣ — мақомоти марказии иҷроияи ҳокимияти давлатӣ буда, вазифаҳои назорату санҷишҳои давлатии риояи қонунгузории Ҷумҳурии Тоҷикистон дар бораи меҳнат, қоидаҳои ҳифзи меҳнат, стандартҳо ва меъёрҳои бехатарии меҳнат, гузаронидани экспертизаи шароити меҳнат, муҳоҷират ва шуғли аҳолиро дар фаъолияти муассисаҳо ва ташкилотҳо, новобаста аз шакли моликият соҳибкорони инфиродӣ ва шахсони воқеӣ, ки меҳнати кирояро истифода мебаранд, анҷом медиҳад.
Дар ин чорабинии мазкур шарикони иҷтимоӣ мудири шуъбаи иқтисодӣ-иҷтимоии Федератсияи иттифоқҳои касабаи мустақили Тоҷикистон Юнусов Ҷамшед Собирович, муовини Раиси Иттиҳодияи корфармоёни Ҷумҳурии Тоҷикистон Мирзоев Мирзошо иштирок ва суханронӣ намуданд.
Дар семинар зиёда аз 80 нафар шахсони масъули самтҳои кадрӣ, муҳосибӣ, муҳандисони ҳифзи меҳнат ва намояндагони хадамоти ҳифзи меҳнати ширкатҳои калони ҷумҳурӣ иштирок намуданд.
Дар оғози чорабинӣ суханронии сардори Хадамот Маҳмадзода Сафарали Маҳмад вобаста ба масъалаи бехатарӣ ва ҳифзи мехнати кормандон, беҳтарсозии шароити меҳнат, таъмини кафолатҳои муқаррарнамудаи қонунгузорӣ нисбат ба кормандон, масъалаи ҳифзи манфиатҳои иҷтимоию меҳнатии шаҳрвандон, дарёфти ризоияти ҷамъиятӣ, суботи иҷтимоӣ, ҷалби теъдоди ҳарчи бештари аҳолии қобили меҳнат ба меҳнати арзанда, коҳиш додани сатҳи бекорӣ ва баланд бардоштани сатҳи некуаҳволии аҳолӣ, афзоиши ҳиссаи шуғли расмӣ, таъмини стандартҳои ҳадди ақали иҷтимоӣ, ҳифзи ҳуқуқ ва манфиатҳои муҳоҷирони меҳнатӣ, баланд бардоштани кафолатҳои иҷтимоии шаҳрвандон ва пешгирии ҳодисаҳои нохуш дар истеҳсолот шунида шуд.
